പാര്ലമെന്റ് മണ്സൂണ് സമ്മേളനത്തില് ഇതുവരെ പെഗാസസ് വിഷയത്തെ കുറിച്ച് സംസാരിക്കുവാന് കേന്ദ്ര സര്ക്കാര് തയ്യാറായിട്ടില്ല. ഈ മാസം 13 നാണ് സമ്മേളനം അവസാനിക്കുക. മിസ്റ്റര് മോദി ഇതുവഴി വരൂ, ഞങ്ങളെ കേള്ക്കുവെന്ന് പറഞ്ഞാണ് ഒബ്രിയാന് വീഡിയോ പങ്കുവെച്ചിരിക്കുന്നത്. പ്രതിപക്ഷത്തുള്ള എം.പിമാരുടെ പ്രസംഗം ചേർത്തു കൊണ്ടാണ് 3 മിനിറ്റ് നീളമുള്ള വീഡിയോ നിര്മ്മിച്ചിരിക്കുന്നത്.
ലോകമെമ്പാടുമുള്ള 50,000ലധികം ഫോണ് വിവരങ്ങളാണ് പെഗാസസ് ഉപയോഗിച്ച് ചോര്ത്തിയിരിക്കുന്നത്. വ്യക്തിഗത വിവരങ്ങള്, പ്രത്യേകിച്ച് സ്ത്രീകളുടെ വിവരങ്ങള് ചോര്ത്തി നല്കുന്നതില് കൂടുതല് പണം നല്കുന്നുവെന്നും അന്തരാഷ്ട്ര മാധ്യങ്ങള് റിപ്പോര്ട്ട് ചെയ്യുന്നു.
വിവിധ രാജ്യങ്ങളിലെ 16 മാധ്യമങ്ങൾ നടത്തിയ അന്വേഷണത്തിലാണ് ഫോണ് കോള് ചോര്ത്തല് വിവരങ്ങള് പുറത്ത് വന്നത്. പെഗാസസ് സോഫ്റ്റ്വെയര് ഉപയോഗിച്ച് ഐഫോൺ, ആന്ഡ്രോയിഡ് ഫോണുകളിലെ സന്ദേശങ്ങൾ, ഫോട്ടോകൾ, ഇമെയിലുകൾ ചോർത്താനാകും. രഹസ്യമായി മൈക്രോഫോൺ ഉപയോഗിച്ച് ഫോൺ റിംഗ് ചെയ്യാത്തപ്പോൾ പോലും സംഭാഷണം ചോർത്താന് സാധിക്കും.
സിപിഐ എം.പി ബിനോയ് വിശ്വം രാജ്യസഭയിലും, എന്. കെ പ്രേമചന്ദ്രന് എം.പി ലോക് സഭയിലുമാണ് നോട്ടീസ് നല്കിയിരിക്കുന്നത്. പ്രതിപക്ഷ നേതാക്കൾ, മാധ്യമപ്രവർത്തകർ, മനുഷ്യാവകാശ പ്രവർത്തകർ എന്നിവരുൾപ്പെടെ മോദി മന്ത്രിസഭയിലെ രണ്ട് മുതിർന്ന മന്ത്രിമാര്, സുപ്രീം കോടതി ജഡജി ഉള്ളപ്പെടയുള്ളവരുടെ ഫോണുകൾ ചോർന്നതായി മാധ്യമങ്ങള് റിപ്പോര്ട്ട് ചെയ്തിരുന്നു.